समताच्या सर्वांगीण प्रगतीसाठी सर्वतोपरी प्रयत्न करणार – सचिन भट्टड, सरव्यवस्थापक

समताच्या सर्वांगीण प्रगतीसाठी सर्वतोपरी प्रयत्न करणार – सचिन भट्टड, सरव्यवस्थापक

कोपरगाव : समता नागरी सहकारी पतसंस्थेचे चेअरमन ओमप्रकाश दादाप्पा तथा काका कोयटे यांच्या नेतृत्वात संस्थेने महाराष्ट्रातच नव्हे तर परदेशातही नावलौकिक मिळविलेला आहे. याचे सारे श्रेय संचालक मंडळ, मुख्य कार्यालयाचे अधिकारी, शाखाधिकारी, कर्मचारी यांचे ही आहे. समता लवकरच १ हजार कोटी रुपयांच्या ठेवींचा टप्पा पार करणार असून पुढील सर्वांगीण प्रगतीतही सर्वतोपरी प्रयत्न करणार असल्याचे समता पतसंस्थेचे सरव्यवस्थापक सचिन भट्टड यांनी सांगितले.

समता पतसंस्थेच्या स्व. मोहनलाल आनंदराम झंवर सभागृहात ज्येष्ठ संचालक कांतीलाल जोशी, चांगदेव शिरोडे, जितुभाई शहा, अरविंदजी पटेल, गुलशन होडे, दिपक अग्रवाल, हर्षल जोशी, सचिन ठोळे, संस्थेचे बोर्ड सेक्रेटरी संतोष मुदबखे, ईडीपी विभाग प्रमुख योगेश आसने, फंड विभाग प्रमुख जितेंद्र अमृतकर, शेअर्स विभाग प्रमुख जितेंद्र सोनार, कर्ज विभाग प्रमुख अनिल आवारे, वसुली विभाग प्रमुख जनार्दन कदम, इन्कम टॅक्स विभाग प्रमुख नारायण जाधव व मुख्य कार्यालयाचे इतर सहाय्यक अधिकारी, कर्मचाऱ्यांच्या उपस्थितीत सचिन भट्टड यांचा ४६ वा वाढदिवस केक कापून साजरा करण्यात आला.

प्रसंगी समता पतसंस्थेचे जेष्ठ संचालक कांतिलाल जोशी मार्गदर्शनपर मनोगत व्यक्त करतांना म्हणाले की, आपल्या संस्थेत सचिन भट्टड हे २५ वर्षापासून अनेक वेगवेगळ्या पदांवर काम करत अनुभवातून संस्थेच्या महत्वाच्या पदावर काम करत आहे. त्यांनी त्यांच्या कामातून संस्थेविषयी असणारा प्रामाणिकपणा व कार्यतत्परता दाखवून दिली असून अधिकारी, कर्मचारी यांच्या साहाय्याने संस्थेची अधिक आर्थिक भरभराट करावी.

तसेच संस्थेचे जेष्ठ संचालक कांतीलाल जोशी, चांगदेव शिरोडे, अरविंदजी पटेल, जितुभाई शहा यांनी केक कापल्यानंतर सचिन भट्टड यांना पेेढा भरविला. मुख्य कार्यालयाचे ठेव विभाग प्रमुख संजय पारखे, कोपरगाव शाखेचे शाखाधिकारी योगेश मोरे यांनी मनोगत व्यक्त करत अनुभव कथन केले तर मुख्य कार्यालयाचे अधिकारी, कोपरगाव शाखेचे अधिकारी, कर्मचारी यांनी पुढील वाटचालीसाठी शुभेच्छा दिल्या. कार्यक्रमाचे सुत्रसंचालन आणि उपस्थितांचे आभार मुख्य कार्यालयाच्या एच.आर श्रीमती उज्वला बोरावके यांनी मानले.