सहकार उद्यमी अंतर्गत धुळे जिल्ह्यातही महिला बचत गटातील महिलांचे सबलीकरण आणि सक्षमीकरण करू – सौ नंदिनी खरवंडीकर,धुळे
समता वार्ता कार्यकारी संपादक पोपट साळवे
सहकार उद्यमी अंतर्गत धुळे जिल्ह्यातही महिला बचत गटातील महिलांचे सबलीकरण आणि सक्षमीकरण करू – सौ नंदिनी खरवंडीकर,धुळे
कोपरगाव : अहमदनगर जिल्ह्यात समता महिला बचत गटाच्या माध्यमातून महाराष्ट्र राज्य सहकारी पतसंस्था फेडरेशन आणि सहकार उद्यमी अंतर्गत सहकार उद्योग मंदिराचा शुभारंभ करून महिलांना रोजगार उपलब्ध करून देत आहे त्यामुळे महिलांचे सबलीकरण आणि सक्षमीकरण होणार असून महाराष्ट्रातील महिला बचत गट चळवळीला चालना मिळणार आहे.आम्ही देखील काकांच्या मार्गदर्शनाखाली सहकार उद्यमी अंतर्गत रेणुकाचार्य महिला मंडळाच्या माध्यमातून धुळे जिल्ह्यात सहकार उद्योग मंदिर सुरू करून बचत गटातील महिलांचे सबलीकरण आणि सक्षमीकरण करणार आहोत.असे प्रतिपादन धुळे येथील रेणुकाचार्य महिला मंडळाच्या सौ नंदिनी खरवंडीकर यांनी केले.
सहकार उद्यमी अंतर्गत समता महिला बचत गटाच्या सहकार उद्योग मंदिरास धुळे येथील रेणुकाचार्य महिला मंडळाच्या सौ नंदिनी खरवंडीकर,सौ उज्वला सुधीर डोंबरे, सौ रंजना दिनेश डोंबरे, सौ रोहिणी रामलिंगअप्पा लिंभारे, सौ सुरेखा सोमनाथअप्पा चांदणे, सौ प्रमिला दिलीपअप्पा लिंगायत आदि.
तसेच धुळे जिल्हा लिंगायत समाजाचे अध्यक्ष श्री दिनेश शिवनाथअप्पा डोंबरे,लिंगायत संघर्ष समिती धुळे जिल्हा अध्यक्ष श्री नितिन वसंतराव लिंगायत, श्री अविनाश निळकंठ अप्पा खरवंडीकर, श्री कपिल दिलीपअप्पा लिंगायत,श्री प्रशांत सोमनाथअप्पा लिंगायत, श्री कुबेर विरूपाक्षअप्पा खरवंडीकर,श्री रामलिंगअप्पा लिंभारे आणि अहमदनगर जिल्हा संघर्ष समितीचे गोपीनाथ निळकंठ आदींनी २१ नोव्हेंबर २०२१ रोजी सदिच्छा भेट दिली.
समता महिला बचत गटाचे मार्गदर्शक ओमप्रकाश दादाप्पा तथा काका कोयटे आणि समता महिला बचत गटाच्या अध्यक्षा सौ सुहासिनी कोयटे यांच्याशी कोपरगाव शहर आणि ग्रामीण भागातील बचत गटातील महिलांचे सबलीकरण आणि सक्षमीकरणासाठी समताच्या सहकार उद्योग मंदिराविषयी तसेच महिलांसाठी असलेल्या विविध योजना आणि उपक्रम अंमलात आणून त्या संयुक्तिकपणे राबविण्याबद्दल चर्चा केली.
अगरबत्ती व कापूर उत्पादनाविषयी समता महिला बचत गटाच्या महिला कर्मचारी सौ कोमल गंगवाल, सौ आशा भिंगले यांनी सविस्तर माहिती दिली तर सहकार उद्योग मंदिरात चालणाऱ्या विविध कामाविषयी कु रेणुका मुन्शी,श्री विश्वास सावरगावकर आणि श्री प्रदीप वैद्य यांनी माहीत देत महिलांच्या मिळत असलेल्या उत्स्फूर्त प्रतिसादाविषयी उहापोह केला.
त्यानंतर समता पतसंस्थेचे चेअरमन आणि समता महिला बचत गटाचे मार्गदर्शक ओमप्रकाश दादाप्पा तथा काका कोयटे, समता महिला बचत गटाच्या अध्यक्षा सौ सुहासिनी कोयटे आणि अहमदनगर जिल्हा लिंगायत संघर्ष समितीचे अध्यक्ष श्री गोपीनाथ निळकंठ यांच्या हस्ते उपस्थित पदाधिकाऱ्यांचा सत्कार करण्यात आला.उपस्थित पदाधिकाऱ्यांनी समता महिला बचत गट आणि सहकार उद्योग मंदिराविषयी मिळालेल्या माहितीबद्दल समाधान व्यक्त करत समता महिला बचत गटाच्या महिला, कर्मचारी यांनी दिलेली अनमोल माहिती आणि बहुमोल वेळ दिल्याबद्दल आभार मानले आणि समताच्या पुढील वाटचालीस शुभेच्छा देत निरोप घेतला.
