सभासदांचा आदर आणि कर्मचाऱ्यांची शिस्त प्रशंसनीय – फसियोद्दिन शेख, तहसिलदार

सभासदांचा आदर आणि कर्मचाऱ्यांची शिस्त प्रशंसनीय – फसियोद्दिन शेख, तहसिलदार

कोपरगाव– समता नागरी सहकारी पतसंस्थेच्या राहुरी शाखेत १७ सप्टेंबर रोजी राहुरी तालुक्याचे तहसिलदार फसियोद्दिन शेख यांचे हस्ते सायंकाळी राहुरी शाखेतील श्री गणेशाची आरती करण्यात आली. राहुरी शाखेतील जेष्ठ चे सभासद श्री.शरद पाचरणे, संजय औटी,संदीप सोनवणे यांच्या हस्ते त्यांचा सत्कार करण्यात आला. राहुरी शाखेचे शाखाधिकारी श्री.निहाल शेख यांनी तहसिलदार फसियोद्दिन शेख यांचे स्वागत केले.

प्रसंगी तहसिलदार फसियोद्दिन शेख मनोगत व्यक्त करताना म्हणाले कि,‘समता नागरी सहकारी पतसंस्थेचे अध्यक्ष काका कोयटे हे राज्य फेडरेशनचे नेतृत्व करीत असून अतिशय शिस्त प्रिय व्यक्तिमत्व म्हणुन महाराष्ट्राला परिचित आहे. त्यांच्याच व्यक्तिमत्वाचा परिणाम समता पतसंस्थेच्या प्रत्येक शाखेतील कर्मचाऱ्यांमधील शिस्त, सुसंवादातून दिसून येतो तसेच संस्थेच्या ग्राहक, सभासदाविषयी असणारा आदर खूपच प्रशंसनीय आहे. समतातील श्री गणेशांच्या आरतीसाठी सभासद ठेवीदारांना बोलवून त्यांचे हस्ते आरती करणे हा उपक्रम खूपच कौतुकास्पद असून संस्थेतील योजना सभासदांच्या आर्थिक प्रगतीसाठी मोलाच्या आहेत.’

तसेच राहुरी शाखेत सकाळची आरती आरोग्य अधिकारी डॉ.अविनाश वसंतराव जाधव यांचे हस्ते करण्यात आली. कोपरगाव शाखेत सकाळी आशिर्वाद प्रिंटर्स चे मालक श्री.मोहन उकिरडे यांचे हस्ते तर सायंकाळी सौ. व श्री.साईनाथ गोर्डे यांच्या हस्ते श्रींची आरती करण्यात आली.

नाशिक शाखेत सकाळची आरती सभासद श्री.दिलीप एकनाथ पाळदे आणि सायंकाळी  सौ.व श्री शरद कापुरे यांच्या हस्ते गणेशाची आरती करण्यात आली. श्री.ज्ञानेश्वर सदाफळ यांच्या हस्ते राहाता शाखेतील श्रींची आरती करण्यात आली.

श्रीरामपूर शाखेत सकाळची आरती श्री.विजय रघुनाथ जोशी तर सायंकाळी श्री.किरण भांबरे यांचे हस्ते गणेशाची आरती करण्यात आली. नांदेड शाखेतील खातेदार श्री.सुंदरलाल यादव यांनी सकाळी तर सायंकाळी ठेवीदार श्री.महारुद्र भवानकर यांनी श्रींची आरती केली.

येवला शाखेतील ठेवीदार सौ व श्री. दोडे यांनी सकाळी तर सायंकाळी सौ व श्री गांगुर्डे यांच्या हस्ते आरती करण्यात आली. श्री.लक्ष्मीकांत क्षीरसागर यांचे हस्ते अहमदनगर शाखेत श्रींची आरती करण्यात आली, जामखेड येथे श्री.अण्णासाहेब रावसाहेब कुमटकर यांनी श्री गणेशाची आरती केली. शिर्डी शाखेत श्री.जाधव सर यांच्या हस्ते आरती करण्यात आली. आरती नंतर शाखांमध्ये उपस्थित असलेले सभासद, ग्राहक, ठेवीदार, कर्जदार, हितचिंतक, शाखाधिकारी, कर्मचारी आदींना प्रसादाचे वाटप करण्यात आले.