समताचे अत्याधुनिक तंत्रज्ञान, योजना व उपक्रम आणि आदरातिथ्य हे विशेष कौतुकास्पद – डिंपल पटेल, अध्यक्षा

समताचे अत्याधुनिक तंत्रज्ञान, योजना व उपक्रम आणि आदरातिथ्य हे विशेष कौतुकास्पद – डिंपल पटेल, अध्यक्षा

कोपरगाव : गुजरात राज्य पतसंस्था फेडरेशनच्या सहकार्याने आमचा प्रगतीचा प्रवास सुरू आहे. महाराष्ट्रातील पतसंस्था चळवळीत समता नागरी सहकारी पतसंस्थेचे अत्याधुनिक तंत्रज्ञान व विविध सभासद हिताच्या योजना, उपक्रमांमुळे असलेला नावलौकिक महाराष्ट्रापुरताच मर्यादित नसून देशात आहे. गुजरातमध्ये ही गावागावात पोहचला असून समताचे तंत्रज्ञान, योजना, उपक्रम आणि आदरातिथ्य हे विशेष कौतुकास्पद आहे.अपेक्षेपेक्षा अधिक माहिती आम्हाला मिळाली असून संस्थेच्या आर्थिक प्रगतीसाठी आम्हाला नक्कीच उपयोग होणार असल्याचे आदिवासी विकास को – ऑप. क्रेडिट सोसायटीच्या अध्यक्षा डिंपल पटेल यांनी सांगितले.

समता नागरी सहकारी पतसंस्थेच्या मुख्य कार्यालयास गुजरातमधील वळसुद जिल्ह्यातील फलधरा या गावातील आदिवासी विकास को – ऑप. क्रेडिट सोसायटीच्या अध्यक्षा डिंपल पटेल, जनरल मॅनेजर कमलेश पटेल, शाखाधिकारी अंकित पटेल, भवदिप पटेल, ट्विस्ना पटेल, नेटविन सॉफ्टवेअरचे नाशिक विभागाचे जितेंद्र शहा आदी पदाधिकारी, अधिकारी यांनी सदिच्छा भेट दिली असता मनोगत व्यक्त करताना त्या बोलत होत्या.

समता पतसंस्थेच्या आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग, पतसंस्था चळवळीला दिशादर्शक असणारी अत्याधुनिक बँकिंग प्रणाली विषयी ईडीपी विभागाचे योगेश आसने , मुख्य कार्यालयाचे अधिकारी यांनी सविस्तर माहिती दिली. या वेळी आदिवासी विकास को – ऑप. क्रेडिट सोसायटीच्या पदाधिकाऱ्यांचा सत्कार संस्थेचे जेष्ठ संचालक जितुभाई शहा यांच्या हस्ते संस्थेचे चेअरमन ओमप्रकाश दादाप्पा तथा काका कोयटे यांच्या उपस्थितीत करण्यात आला.

समता नागरी सहकारी पतसंस्थेविषयी मिळालेल्या महत्त्वपूर्ण माहितीबद्दल आदिवासी विकास को – ऑप. क्रेडिट सोसायटीचे जनरल मॅनेजर कमलेश पटेल यांनी समता पतसंस्थेचे पदाधिकारी, अधिकाऱ्यांचे आभार मानत पुढील वाटचालीसाठी शुभेच्छा देत निरोप घेतला.