समताच्या मुख्य कार्यालयास सांगली आणि कोल्हापूर जिल्ह्यातील पतसंस्थांची सदिच्छा भेट

समता पतसंस्थेच्या मुख्य कार्यालयास सदिच्छा भेट दिली असता राज्य पतसंस्था फेडरेशनचे संचालक व सांगली येथील विराचार्य बाबासाहेब कुचनुरे जिल्हा नागरी सहकारी पतसंस्थेचे चेअरमन श्री शशिकांत राजोबा यांचा सत्कार करताना संस्थेचे संचालक श्री संदीप कोयटे.प्रसंगी राज्य फेडरेशनचे अध्यक्ष व समता पतसंस्थेचे चेअरमन काका कोयटे, समता महिला बचत गटाच्या अध्यक्षा सौ सुहासिनी कोयटे व इतर पदाधिकारी.

समताच्या मुख्य कार्यालयास सांगली आणि कोल्हापूर जिल्ह्यातील पतसंस्थांची सदिच्छा भेट

कोल्हापूर जिल्ह्यातील सोमनाथ नागरी सहकारी पतसंस्थेच्या पदाधिकाऱ्यांनी भेट दिली असता राज्य पतसंस्था फेडरेशनचे अध्यक्ष व समता पतसंस्थेचे चेअरमन काका कोयटे यांचा सत्कार करताना.

कोपरगाव : अत्याधुनिक तंत्रज्ञान व सभासदांना तत्पर सेवा देणाऱ्या महाराष्ट्रातील अग्रगण्य समता नागरी सहकारी पतसंस्थेच्या मुख्य कार्यालयास सांगली जिल्ह्यातील विराचार्य बाबासाहेब कुचनुरे जिल्हा नागरी सहकारी पतसंस्था आणि कोल्हापूर जिल्ह्यातील सोमनाथ नागरी सहकारी पतसंस्थेच्या पदाधिकाऱ्यांनी ११ फेब्रुवारी २०२२ रोजी सदिच्छा भेट दिली.

कोल्हापूर जिल्ह्यातील सोमनाथ नागरी सहकारी पतसंस्थेच्या पदाधिकाऱ्यांनी भेट दिली असता त्यांचा सत्कार करताना इडीपी विभागाचे प्रमुख श्री योगेश आसने.समवेत पतसंस्था फेडरेशनचे अध्यक्ष व समता पतसंस्थेचे चेअरमन काका कोयटे व पदाधिकारी.

महाराष्ट्र राज्य सहकारी पतसंस्था फेडरेशनचे संचालक व सांगली जिल्ह्यातील विराचार्य बाबासाहेब कुचनुरे जिल्हा नागरी सहकारी पतसंस्थेचे चेअरमन श्री शशिकांत राजोबा,क्रियाशील सभासद डॉ.अमोल पाटील,श्री महेश माळी,श्री उमेश गुडडी,श्री देशभूषण कर्नाळे यांनी तर कोल्हापूर जिल्ह्यातील हातकनंगले तालुक्यातील सोमनाथ नागरी सहकारी पतसंस्थेचे मुख्य कार्यकारी अधिकारी श्री कृष्णात बापू माळी,सहायक मुख्य कार्यकारी अधिकारी श्री नागनाथ आप्पा सोमाळी,शाखाधिकारी श्री युवराज बाबासाहेब जाधव,श्री दिलीप राजाराम कुंभार,श्री भुजगोंडा बाळगोंडा पाटील,श्री आनंदा श्रीपती शिंदे,श्री विक्रांत वसंतराव माळी,श्री माणिक आनंदा माळी, श्री जयप्रकाश जयसिंग माळी, लिपिक श्री महेश आनंदा माळी आदींनी समता पतसंस्थेच्या मुख्य कार्यालयास सदिच्छा भेटीनंतर मिळालेल्या अनमोल महितीबद्दल समाधान व्यक्त केले.

प्रसंगी समता नागरी सहकारी पतसंस्थचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज,भव्य इमारत,आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड,फॉरेन्सिक ऑडीट कंट्रोल रूम, समता रिकव्हरी पॅटर्न सोनेतारण विभाग, संस्थेचा भव्य मिटिंग हॉल आणि समता महिला बचत गटाच्या माध्यमातून तयार करण्यात येणारी अगरबत्ती,घी बत्ती कापूर,हँडवॉश,उटणे,फुलवाती, समई वाती,अगरबत्ती आणि कापूर यांना एकत्र बांधून तयार करण्यात आलेला गुच्छ,मास्क,लहान मुलं-मुलींसाठी तयार केलेले कपडे, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा करून संस्थेचे चेअरमन काका कोयटे,पदाधिकारी,अधिकारी, कर्मचारी यांनी सविस्तर माहिती दिली.

त्यानंतर समता पतसंस्थेचे चेअरमन ओमप्रकाश दादाप्पा तथा काका कोयटे व संचालक श्री संदीप कोयटे आणि इडीपी विभाग प्रमुख श्री योगेश आसने यांच्या हस्ते विराचार्य नागरी सहकारी पतसंस्था व सोमनाथ नागरी सहकारी पतसंस्थेच्या पदाधिकाऱ्यांचा सत्कार समता महिला बचत गटाने अगरबत्ती व कापूर एकत्र बांधून तयार करण्यात आलेला गुच्छ देऊन करण्यात आला.उपस्थित पदाधिकाऱ्यांनी समता पतसंस्था आणि सहकार उद्योग मंदिराविषयी मिळालेल्या माहितीबद्दल समाधान व्यक्त करत संस्थेचे अधिकारी, कर्मचारी यांनी दिलेली अनमोल माहिती आणि बहुमोल वेळ दिल्याबद्दल आभार मानले आणि समताच्या पुढील वाटचालीस शुभेच्छा देत निरोप घेतला.