काका स्वतःची ओळख कामातून करून देतात – श्री अनिकेत पाटील, संचालक

काका स्वतः ची ओळख कामातून करून देतात – श्री अनिकेत पाटील ,संचालक

कोपरगाव : महाराष्ट्र राज्य सहकारी पतसंस्था फेडरेशन आणि समता नागरी सहकारी पतसंस्थेचे नेतृत्व करीत असताना पतसंस्था चळवळीची भरभराट आणि समताची आर्थिक प्रगती ही त्यांच्या कामाची ओळख आहे. काकांची ओळख कामातून होत असून समता पतसंस्थेची ओळख ग्राहक,सभासदांच्या सेवेतून पूर्ण महाराष्ट्राला करून देत आहे.असे गौरवोद्गार ए.पी. पाटील सर्वोदय ग्रामीण सहकारी पतसंस्थेचे संचालक श्री अनिकेत पाटील यांनी काढले.
ए. पी. पाटील सर्वोदय ग्रामीण सहकारी पतसंस्था हसुर,ता. शिरोळ,जि.कोल्हापूरचे संचालक सर्व श्री अनिकेत पाटील,विजय माणगावे,दादासाहेब खटावणे,मुख्य कार्यकारी अधिकारी पारीला बोरगावे, असि.मुख्य कार्यकारी अधिकारी अभिजित पाटील आदिंनी समता नागरी सहकारी पतसंस्थेचेच्या मुख्य कार्यालयास ७ ऑक्टोबर २०२१ रोजी सदिच्छा भेट दिली.समता नागरी सहकारी पतसंस्थेचे संचालक श्री संदीप कोयटे यांनी सदिच्छा भेटीप्रसंगी उपस्थित पदाधिकाऱ्यांचा सत्कार केला. तसेच त्यांच्या संस्थेच्या अनुषंगाने समताचे आधुनिक तंत्रज्ञान,ग्राहकापयोगी उपक्रम व योजना,मुख्य कार्यालयातील कामकाजाचे स्वरुपावर चर्चा करून मार्गदर्शन केले.तर प्रत्यक्षात समताचे फॉरेन्सिक ऑडिट कंट्रोल रूमची सविस्तर माहिती श्री संजय पारखे,समता ऑनलाइन रिकव्हरी पॅटर्नविषयी वसुली अधिकारी श्री जनार्दन कदम ,कर्ज विभागाविषयी श्री निलेश देशमाने यांनी सविस्तर माहिती दिली. समताचे अधिकारी,पदाधिकाऱ्यांनी दिलेला बहुमोल वेळ व अनमोल माहिती दिल्याबद्दल आभार मानले आणि पुढील वाटचालीस शुभेच्छा दिल्या.