ब्रेकिंग

समता पतसंस्था सेवा भावी संस्था – श्री.शिवाजी वराळ, चेअरमन

कार्यकारी संपादक प्रा.पोपट साळवे

समता पतसंस्था सेवा भावी संस्था – श्री.शिवाजी वराळ , चेअरमन

कोपरगाव : महाराष्ट्रातील पतसंस्था चळवळीत समता नागरी सहकारी पतसंस्था अत्याधुनिक तंत्रज्ञानाच्या आधारे वेगवेगळ्या योजना आणि उपक्रम राबविण्यात अग्रभागी आहे. समाजातील प्रत्येक घटकासाठी समताच्या योजना, उपक्रम आहे. प्रामुख्याने जेष्ठ नागरिकांना देण्यात येणारी घरपोच पेन्शन योजना ही ज्येष्ठांची एक सेवाच असून यासारख्या अनेक योजना ग्राहक सभासदांच्या हिताच्या असल्याने समता पतसंस्था ही एक महाराष्ट्रातील सेवा भावी संस्था म्हणून ही ओळखली जाते.असे गौरवोद्गार संपदा नागरी सहकारी पतसंस्थेचे चेअरमन श्री.शिवाजी वराळ यांनी काढले.

समता नागरी सहकारी पतसंस्थेच्या मुख्य कार्यालयास २३ मे २०२३ रोजी पुणे जिल्ह्यातील शिरूर येथील संपदा नागरी सहकारी पतसंस्थेचे चेअरमन श्री.शिवाजी वराळ , संचालक श्री. इंद्रभान गायकवाड , श्री.पांडुरंग कारखिले, व्यवस्थापक श्री.संपतराव वाळुंज , उपव्यवस्थापक श्री.तुकाराम काळे , वसुली अधिकारी श्री.रामदास वाबळे आदी पदाधिकारी, अधिकारी यांनी सदिच्छा भेट दिली. प्रसंगी संपदा नागरी सहकारी पतसंस्थेचे चेअरमन श्री.शिवाजी वराळ व पदाधिकाऱ्यांचा सत्कार समता पतसंस्थेचे चेअरमन काका कोयटे यांच्या हस्ते करण्यात आला.

या वेळी समता पतसंस्थेचे चेअरमन काका कोयटे यांच्याशी समताचे तंत्रज्ञान आणि सहकाराविषयी चर्चा केली. नंतर समता पतसंस्थेच्या आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग, या पतसंस्था चळवळीला दिशादर्शक असणारी अत्याधुनिक बँकिंग प्रणाली विषयी संस्थेचे चेअमन काका कोयटे, ठेव विभागाचे श्री.संजय पारखे आणि समता सहकार मिनी मॉल व अगरबत्ती, कापूर उत्पादन विभागाची माहिती श्री.विश्वास सावरगावकर यांनी सविस्तर दिली.

समता पतसंस्था आणि समता महिला बचत गटाच्या वेगवेगळ्या उपक्रमांविषयी मिळालेल्या महत्त्वपूर्ण माहितीबद्दल संपदा नागरी सहकारी पतसंस्थेचे उपव्यवस्थापक श्री. तुकाराम काळे यांनी समता पतसंस्थेचे पदाधिकारी, अधिकाऱ्यांचे आभार मानत पुढील वाटचालीसाठी शुभेच्छा देत निरोप घेतला.

बातमी शेअर करण्यासाठी खाली क्लिक करा

Related Articles

Leave a Reply

Your email address will not be published. Required fields are marked *

Back to top button
Translate »
बातमी कॉपी करणे हा कायद्याने गुन्हा आहे