सुख – दुःखात समता परिवार माझ्यासोबत – श्री.अरविंद पटेल, संचालक

सुख – दुःखात समता परीवार माझ्यासोबत – श्री.अरविंद पटेल, संचालक

कोपरगाव : माझा परीवार येवल्याहून कोपरगावला स्थायिक झाल्यानंतर सामाजिक कार्यात नेहमीच सहभागी असणारे कोयटे आणि शहा परिवाराने मला खंबीर साथ दिली.गेल्या २५ वर्षांपासून समता परिवाराशी जवळचे संबंध असून माझ्या मुलांच्या शिक्षणात आणि आर्थिक प्रगतीत सिंहाचा वाटा आहे. सुख – दुःखात ही नेहमीच सहकार्य असते.असे मत समता नागरी सहकारी पतसंस्थेचे संचालक श्री.अरविंद पटेल यांनी व्यक्त केले.

सुख मे जो साथ देते हैं, वो है रिश्ते और
दुःख मे जो साथ देते हैं, वो है फरिश्ते – श्री.अरविंद पटेल, संचालक

समता नागरी सहकारी पतसंस्थेत समता नागरी सहकारी पतसंस्थेचे संचालक श्री.अरविंद पटेल यांचा ६९ वा वाढदिवस समता पतसंस्थेचे चेअरमन काका कोयटे , संचालक श्री. जितेंद्र शहा, श्री. कांतीलाल जोशी, यांच्या उपस्थितीत उत्साहात साजरा करण्यात आला.संचालक श्री. कांतीलाल जोशी यांच्या हस्ते त्यांचा सत्कार करण्यात आला तर श्री. जितेंद्र शहा यांनी पेढा भरवत आनंद व्यक्त केला.तसेच गुळाचे प्रसिध्द व्यापारी श्री.कांतीलाल जोशी यांच्यावतीने श्री.हर्षल जोशी यांच्या हस्ते ही त्यांचा सत्कार करण्यात आला.

मनोगत व्यक्त करताना संस्थेचे चेअरमन काका कोयटे म्हणाले की , सुरुवातीला कोपरगावात आल्यानंतर पटेल ऑप्टिकल या नावाचे छोटे दुकान होते. आता ते दुकान मोठे झाले आहे. त्यांचा जन संपर्क ही मोठ्या प्रमाणात वाढला असून जनसंपर्क वाढण्यामध्ये त्यांच्या अंगी असलेली कला महत्वाची ठरली आहे.ग्राहकांशी सुसंवाद कसा साधावा? यात ते वाकबगार असून त्यांच्या अंगी असणारी ही कला समताच्या प्रत्येक कर्मचाऱ्यात असणे आवश्यक असल्याची अपेक्षा व्यक्त केली.

कार्यक्रमाचे सुत्रसंचालन कोपरगाव शाखेचे शाखाधिकारी श्री.योगेश मोरे यांनी केले. या कार्यक्रमाला मुख्य कार्यालयाचे अधिकारी ,कोपरगाव शाखेचे अधिकारी, कर्मचारी उपस्थित होते. उपस्थितांचे आभार एच.आर उज्वला बोरावके यांनी मानले.