सारस्वत इन्फोटेक प्रा.लि.चे सीईओ डॉ.चंदगडकर यांची समताच्या मुख्य कार्यालयास सदिच्छा भेट

सारस्वत इन्फोटेक प्रा.लि.चे सीईओ डॉ.चंदगडकर यांची समताच्या मुख्य कार्यालयास सदिच्छा भेट

समता पतसंस्थेच्या मुख्य कार्यालयास सारस्वत इन्फोटेक प्रा.लि. चे सीईओ डॉ.चंदगडकर यांनी सदिच्छा भेट दिली,असता संस्थेचे चेअरमन श्री काकासाहेब कोयटे सत्कार करताना. समवेत संचालक श्री संदीप कोयटे.

कोपरगाव : समता पतसंस्थेचे अत्याधुनिक तंत्रज्ञान हे भविष्यातील संस्थेची सुखद वाटचाल आहे यामुळे सभासदांना तत्पर सेवा देता येते.समता पतसंस्था वापरत असलेले अत्याधुनिक तंत्रज्ञान हे पतसंस्था चळवळीतील इतर पतसंस्थांना रोल मॉडेल ठरेल.असे गौरोद्गार नवी मुंबई येथील सारस्वत इन्फोटेक प्रा.लिमिटेडचे मुख्य कार्यकारी अधिकारी (सीईओ) डॉ.दत्तात्रेय चंदगडकर यांनी काढले.

समतातील व्हाऊचरलेस बँकिंग प्रणाली विषयी माहिती देताना संचालक श्री संदीप कोयटे.समवेत अंतर्गत ऑडीटर श्री स्वप्नील घन.

समतातील फॉरेन्सिक ऑडिट कंट्रोल रूम विषयी माहिती देताना संचालक श्री संदीप कोयटे.

समता नागरी सहकारी पतसंस्थेच्या मुख्य कार्यालयास २ जुलै २०२२ रोजी त्यांनी सदिच्छा भेट दिली.त्या प्रसंगी ते बोलत होते.संस्थेचे अंतर्गत ऑडिटर श्री स्वप्नील घन,संचालक श्री संदिप कोयटे उपस्थित होते.

प्रसंगी समता नागरी सहकारी पतसंस्थचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज भव्य इमारत, आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग

ऑनलाइन समता रिकव्हरी पॅटर्न विषयी माहिती देताना संचालक श्री संदीप कोयटे.

समता महिला बचत गटाच्या माध्यमातून तयार करण्यात येणारी अगरबत्ती, घी बत्ती कापूर, हँडवॉश, उटणे, फुलवाती, समई वाती, अगरबत्ती आणि कापूर यांना एकत्र बांधून तयार करण्यात आलेला गुच्छ, मास्क, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली.त्यानंतर संस्थेचे संचालक संदीप कोयटे यांनी सविस्तर माहिती दिली.

समता सहकार मिनी मॉल विषयी माहिती देताना संचालक श्री संदीप कोयटे.

त्यानंतर समता पतसंस्थेचे चेअरमन ओमप्रकाश दादाप्पा तथा काका कोयटे यांच्या हस्ते सारस्वत इन्फोटेक प्रा.लिमिटेडचे सीईओ डॉ. दत्तात्रेय चंदगडकर यांचा समता महिला बचत गटाने अगरबत्ती व कापूर एकत्र बांधून तयार करण्यात आलेला गुच्छ देऊन सत्कार करण्यात आला.

समता पतसंस्था आणि सहकार उद्योग मंदिराविषयी मिळालेल्या माहितीबद्दल त्यांनी समाधान व्यक्त करत आभार मानले आणि समताच्या पुढील वाटचालीस शुभेच्छा देत निरोप घेतला.