समता पतसंस्थेच्या ठेवीत गत तीन महिन्यात तब्बल ५२ कोटी रुपयांची विक्रमी वाढ करून समता पतसंस्थेचा महाराष्ट्रात उच्चांक – श्री. संदीप कोयटे, संचालक

समता पतसंस्थेच्या ठेवीत गत ३ महिन्यात तब्बल ५२ कोटी रुपयांची विक्रमी वाढ करून समता पतसंस्थेचा महाराष्ट्रात उच्चांक – श्री.संदीप कोयटे , संचालक

कोपरगाव : सहकारी संस्था तसेच खाजगी कंपन्या देखील दरवर्षी ३१ मार्च रोजी गत वर्षात आपण केलेली आर्थिक कामगिरी जाहीर करीत असतात. ही आकडेवारी जाहीर करतांना ३० सप्टेंबर पर्यंत हे आर्थिक ताळेबंद जाहीर करणेचे बंधन महाराष्ट्रातील सर्व नागरी सहकारी पतसंस्थांना आहे. परंतु समता नागरी सहकारी पतसंस्थेने आपले सर्व आर्थिक वर्षाचे ताळेबंद ३१ मार्च रोजीच जाहीर करणेची परपंरा गेली ३७ वर्षे राखलेली आहे. यापुढे जाऊन तर तिमाहीची आकडेवारी देखील समता पतसंस्था प्रत्येक तिमाही नंतर जाहीर करत या परपरलेला अजुनही प्रतिष्ठा प्राप्त करून दिली आहे. ३१ मार्च २०२३ नंतर केलेल्या तिमाही आर्थिक प्रगतीचा अहवाल समता नागरी सहकारी पतसंस्थेचे संचालक श्री.संदीप कोयटे यांनी संचालक मंडळाचे वतीने ३० जून २०२३ रोजीच प्रसिद्ध केला आहे.

संचालक श्री. संदीप कोयटे 

या अहवालानुसार ३१ मार्च २०२३ रोजी समता नागरी सहकारी पतसंस्थेच्या ठेवी ७९२ कोटी इतक्या होत्या. गत तीन महिन्यात या ठेवीमध्ये तब्बल ५२ कोटी रुपयांची वाढ होऊन या ठेवी ८४४ कोटी रुपयांच्या झालेल्या आहेत. वार्षिक वाढीचे प्रमाण २६.३०% इतके पडले आहे. ही महाराष्ट्रातील पतसंस्था चळवळीतील विक्रमी ठेव वाढ ठरली आहे.

कर्ज वाटपात देखील ही वाढ कायम राखली असुन  ३१ मार्च २०२३ रोजी ५५६ कोटी ५५ लाख इतके कर्ज वाटप होते. त्यात देखील २८ कोटी ४५ लाख इतक्या रुपयाची वाढ होऊन हे कर्ज वाटप ५८५ कोटी रुपये इतके झाले आहे. वार्षिक कर्ज वाढीचा वेग २०% इतके टक्के आहे.

सहकार खातेचे नियमाप्रमाणे वैधानिक तरलतेची टक्केवारी २५% राखणे बंधनकारक असताना समता नागरी सहकारी पतसंस्थेने ३४.१५% इतके प्रमाण राखून ठेवीदाराची सुरक्षितता जपली आहे.

या कर्ज वाटपापैकी जगभरात सर्वात सुरक्षित समजले जाणा-या केवळ सोनेतारणाच्या सिक्युरिटीवर दिलेले कर्ज २६५ कोटी इतके असून सोने तारण कर्जाचे एकूण तारणी कर्जाशी प्रमाण ४५.२९% इतके पडले आहे.

वरील आर्थिक परिस्थितीचा विचार करता वैधानिक तरलतेची गुंतवणूक व जगभरात सर्वात सुरक्षित समजले जाणारे सोने तारण कर्जाचे वाटप तसेच मुदत ठेवीचे तारणावर दिलेल्या कर्जाचे वाटप व संस्थेची कायम मालमत्ता १३ कोटी ६८ लाख रुपयांची झाली आहे.

वरील सर्व भर भक्कम अशा आर्थिक परिस्थितीमुळे समता लिक्वीडीटी बेस्ड प्रोटेक्शन स्किम अंतर्गत ९९.७१ टक्के इतके ठेवीदारांच्या २७ लाख रुपयांपर्यंतच्या ठेवी सुरक्षित झाल्या आहेत.

नुकत्याच झालेल्या रु.२,०००/- नोटबंदी नंतर तसेच बँकींग व संस्था चळवळीतील संभ्रमावस्थेत देखील समता पतसंस्थेने मारलेली ही भरारी समता पतसंस्थेचे मार्गदर्शक ओमप्रकाश दादाप्पा तथा काका कोयटे यांचेवरील व सर्व संचालक मंडळावरील विश्वासाचे प्रतिक असलेचे संस्थेचे संचालक श्री.संदीप कोयटे यांनी सांगितले. तसेच या घोडदौडीमध्ये संस्थेचे जेष्ठ संचालक जितुभाई शहा, गुलाबशेठ अग्रवाल, अरविंदभाई पटेल, चांगदेव शिरोडे, रामचंद्र बागरेचा, कांतीलाल जोशी, गुलशन होडे, निरव रावलीया, कचरू मोकळ तसेच महिला संचालिका श्वेताताई अजमेरे, शोभाताई दरक, सरव्यवस्थापक सचिन भट्टड यांचे सहकार्य असल्याचेर देखील संचालक श्री.संदीप कोयटे यांनी सांगितले.

अत्याधुनिक तंत्रज्ञानाचे माध्यमातून समताने अतिशय कमी कर्मचा-यांचे माध्यमातुन ही प्रगती साध्य केली आहे. याबाबत अधिक माहिती देतांना एच. आर. विभागाच्या प्रमुख उज्वला बोरावके म्हणाल्या की, दि.३१/०३/२०२१ रोजी कर्मचा-यांची संख्या २५२ इतकी होती. याच कर्मचारी संख्येच्या आधारावर ३१ मार्च २०२१ ते ३१ मार्च २०२३ या दोन वर्षात तब्बल ३७० कोटी रुपयांचा व्यवसाय वाढविला असून त्यांचे प्रमाण ३४.५९ प्रमाण इतके आहे.

अत्याधुनिक तंत्रज्ञानाचा पुरेपूर वापर केल्याने कमीत-कमी कर्मचा-यांमध्ये जास्तीत जास्त व्यवसाय करणे शक्य झाल्याने समता नागरी सहकारी पतसंस्थेचे जनरल मॅनेजर श्री.सचिन भट्टड यांनी सांगितले.

या यशाबददल कर्मचारी वर्गावर १० ते २० टक्के पगारवाढ करण्यात आल्याचे व्यवस्थापणाच्यावतीने जाहीर करण्यात आले. कर्मचा-यांना बोनस, ग्रॅज्युएटी कर्मचारी व कुटुंबाकरिता रु. १ लाख पर्यंत मेडीक्लेम इन्शुरन्स, आधार पेन्शन योजना, ०% व्याजदाराने घर विकत घेण्यासाठी, बांधण्यासाठी किंवा दुरुस्तीसाठी कर्ज तसेच ०% व्याजदाराने वाहन तारण कर्ज, त्याचप्रमाणे कर्मचा-यांना सवलतीचे दरात समता इंटरनॅशनल स्कुलमध्ये शिक्षण, समता पेन्शन योजनेचा लाभ मिळत असल्याचे असि.जनरल मॅनेजर जनार्दन कदम यांनी सांगितले.