समताच्या योजना आणि उपक्रम सभासद हित जोपासणारे – श्री अमित बेनके,संचालक

समताच्या योजना आणि उपक्रम सभासद हिताचे – श्री अमित बेनके,संचालक

कोपरगाव : समता नागरी सहकारी पतसंस्था ग्राहक,सभासद हिताच्या योजना राबविणारी महाराष्ट्रातील अग्रगण्य पतसंस्था आहे.समताचे सोनेतारण कर्ज सुरक्षित कर्ज असल्यामुळे आम्ही पण आमच्या पतसंस्थेत समताची त्वरीत सोनेतारण कर्ज योजना, व्यापारी आणि छोटे-मोठे व्यावसायिकांसाठीची उपयुक्त असणारी शुअर सेल – शुअर पेमेंट योजना आणि ग्राहक,सभासद यांच्याशी सतत संपर्कात राहण्यासाठी समता सुसंवाद कक्ष (कस्टमर केअर) प्रमाणे योजना व उपक्रम राबविण्यासाठी समताचे चेअरमन काका कोयटे,संचालक मंडळ आणि अधिकारी यांनी मार्गदर्शन करावे. अशी इच्छा श्रीराम नागरी सहकारी पतसंस्थेचे संचालक श्री अमित बेनके यांनी व्यक्त केली.

पुणे जिल्ह्यातील नारायणगाव येथील श्रीराम नागरी सहकारी पतसंस्थेचे अध्यक्ष तान्हाजी डेरे,उपाध्यक्ष सुनिल श्रीवत,संचालक अमित बेनके, शशिकांत वाजगे, नवनाथ चौगुले, सी.ए शिवराज जाधव, महेश भायगुडे, सी.एस.ए.अमित अगरवाल आदी पदाधिकाऱ्यांनी समता नागरी सहकारी पतसंस्थेच्या मुख्य कार्यालयास सदिच्छा भेट दिली.

प्रसंगी समता नागरी सहकारी पतसंस्थचे चेअरमन ओमप्रकाश दादाप्पा तथा काका कोयटे यांच्याशी उपस्थित पदाधिकाऱ्यांनी त्यांच्या पतसंस्थेच्या वार्षिक अहवालाविषयी माहीत देत विविध समस्यांवर चर्चा केली.

तसेच समता पतसंस्थेची सुसज्ज,भव्य इमारत, आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड,फॉरेन्सिक ऑडीट कंट्रोल रूम, समता रिकव्हरी पॅटर्न सोनेतारण विभाग, संस्थेचा भव्य मिटिंग हॉल आणि समता महिला बचत गटाच्या माध्यमातून तयार करण्यात येणारी अगरबत्ती,घी बत्ती कापूर,हँडवॉश,उटणे,फुलवाती, समई वाती,अगरबत्ती आणि कापूर यांना एकत्र बांधून तयार करण्यात आलेला गुच्छ,मास्क,लहान मुलं-मुलींसाठी तयार केलेले कपडे, पेटीकोट आदींविषयी चर्चा करून संस्थेचे चेअरमन काका कोयटे व संचालक श्री संदीप कोयटे ,पदाधिकारी,अधिकारी, यांनी सविस्तर माहिती दिली.

त्यानंतर समता पतसंस्थेचे चेअरमन ओमप्रकाश दादाप्पा तथा काका कोयटे यांच्या हस्ते श्रीराम नागरी सहकारी पतसंस्थेच्या पदाधिकाऱ्यांचा सत्कार समता महिला बचत गटाने अगरबत्ती व कापूर एकत्र बांधून तयार करण्यात आलेला गुच्छ देऊन करण्यात आला.

उपस्थित पदाधिकाऱ्यांनी समता पतसंस्था आणि सहकार उद्योग मंदिर, समताज सहकार मिनी मॉल विषयी मिळालेल्या माहितीबद्दल समाधान व्यक्त करत संस्थेचे अधिकारी, कर्मचारी यांनी दिलेली अनमोल माहिती आणि बहुमोल वेळ दिल्याबद्दल आभार मानले आणि समताच्या पुढील वाटचालीस शुभेच्छा देत निरोप घेतला.