समताच्या मुख्य कार्यालयास आणि समता महिला बचत गटाच्या सहकार उद्योग मंदिरास शारदा महिला संघासह इतरही संस्थांची सदिच्छा भेट

समताच्या मुख्य कार्यालयास आणि समता महिला बचत गटाच्या सहकार उद्योग मंदिरास शारदा महिला संघासह इतरही संस्थांची सदिच्छा भेट

कोपरगाव : समता महिला बचत गटाच्या सहकार उद्योग मंदिर आणि समता नागरी सहकारी पतसंस्थेच्या मुख्य कार्यालयास पुणे जिल्ह्यातील बारामती तालुक्यातील शारदा महिला संघाचे विभाग प्रमुख श्री बाळासाहेब नगरे,लिपिक श्री प्रकाश साळुंखे, श्री विजय कोकाटे, श्री अभिषेक जगताप ऍग्री कल्चर डेव्हलपमेंट ट्रस्ट,शारदा नगरचे लेखापाल राजाभाऊ गायकवाड, लिपिक श्री गजानन मोकाशी,श्री तात्या शेलार,समृद्ध गाव योजना प्रमुख श्री वैभव जगदाळे बचत गट विभाग प्रमुख श्री सचिन हिरेमठ आणि अहमदनगर जिल्ह्यातील कर्जत जामखेड एकात्मिक विकास संस्थेचे महिला सक्षमीकरण व उपजीविका विभाग प्रमुख श्री बाबासाहेब भोंग,समन्वयक श्री विजय दिवटे,श्री पवन चौधरे आदींनी १२ नोव्हेंबर २०२१ रोजी सदिच्छा भेट दिली.सदिच्छा भेटीप्रसंगी उपस्थित पदाधिकाऱ्यांनी समता पतसंस्थेचे चेअरमन आणि समता महिला बचत गटाचे मार्गदर्शक ओमप्रकाश दादाप्पा तथा काका कोयटे यांच्याशी समतातील आधुनिक तंत्रज्ञानाच्या वापर करून मोबाइल बँकिंग, पेपरलेस बँकिंग, ऑडिट कंट्रोल रूम समता रिकव्हरी पॅटर्न,सोनेतारण विभाग तसेच मुख्य कार्यालयातील कामकाजाविषयी चर्चा केली.
समता महिला बचत गटाच्या अध्यक्षा सौ सुहासिनी कोयटे यांच्याशी कोपरगाव शहर आणि ग्रामीण भागातील बचत गटांच्या सबलीकरण आणि सक्षमीकरणासाठी समताच्या सहकार उद्योग मंदिराविषयी तसेच महिलांसाठी असलेल्या विविध योजना आणि उपक्रम अंमलात आणून त्या संयुक्तिकपणे राबविण्याबद्दल चर्चा केली.प्रत्यक्षात मुख्य कार्यालयाची माहिती संस्थेचे ऑडिट कंट्रोल रूम प्रमुख श्री संजय पारखे, लोन प्रमुख श्री निलेश देशमाने, वसुली प्रमुख श्री जनार्दन कदम, तर अगरबत्ती व कापूर उत्पादन विभाग आणि सहकार उद्योग मंदिरात चालणाऱ्या विविध कामाविषयी श्री विश्वास सावरगावकर आणि समता महिला बचत गटाच्या महिलांनी सविस्तर माहिती दिली.त्यानंतर समता पतसंस्थेचे चेअरमन आणि समता महिला बचत गटाचे मार्गदर्शक ओमप्रकाश दादाप्पा तथा काका कोयटे, समता महिला बचत गटाच्या अध्यक्षा सौ सुहासिनी कोयटे आणि अगरबत्ती व कापूर उत्पादन विभागाचे कर्मचारी श्री विश्वास सावरगावकर यांच्या हस्ते उपस्थित पदाधिकाऱ्यांचा सत्कार करण्यात आला. उपस्थित पदाधिकाऱ्यांनी समता पतसंस्थेविषयी मिळालेल्या माहितीबद्दल समाधान व्यक्त करत समताचे पदाधिकारी,अधिकारी यांनी दिलेली अनमोल माहिती आणि बहुमोल वेळ दिल्याबद्दल आभार मानले आणि समताच्या पुढील वाटचालीस शुभेच्छा देत निरोप घेतला.