व्यंकटेश नागरी सहकारी पतसंस्थेच्या पदाधिकाऱ्यांची समताच्या मुख्य कार्यालयास सदिच्छा भेट  

व्यंकटेश नागरी सहकारी पतसंस्थेच्या पदाधिकाऱ्यांची समताच्या मुख्य कार्यालयास सदिच्छा भेट

कोपरगाव : नाशिक जिल्ह्यातील चांदवड येथील व्यंकटेश नागरी सहकारी पतसंस्थेचे चेअरमन श्री दिपक व्यवहारे, संचालक श्री विजय सांबर,श्री राजेंद्र लिंगायत, श्री रमेश जाधव,डॉ.जीवन देशमुख, श्री भास्कर सोमवंशी,जनरल मॅनेजर श्री संतोष सुतारे आदी पदाधिकाऱ्यांनी ०२ डिसेंबर २०२१ रोजी समता नागरी सहकारी पतसंस्थेच्या मुख्य कार्यालयास सदिच्छा भेट दिली.

प्रसंगी समता नागरी सहकारी पतसंस्थचे चेअरमन ओमप्रकाश दादाप्पा तथा काका कोयटे यांना उपस्थित पदाधिकाऱ्यांनी त्यांच्या पतसंस्थेचा वार्षिक अहवाल देऊन त्यातील अडचणी समजून घेत व्यंकटेश पतसंस्थेच्या वतीने त्यांचा सत्कार केला.

तसेच समता पतसंस्थेची सुसज्ज,भव्य इमारत, आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड,फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग, संस्थेचा भव्य मिटिंग हॉल

आणि समता महिला बचत गटाच्या माध्यमातून तयार करण्यात येणारी अगरबत्ती,घी बत्ती कापूर,हँडवॉश,उटणे,फुलवाती, समई वाती,अगरबत्ती आणि कापूर यांना एकत्र बांधून तयार करण्यात आलेला गुच्छ,मास्क,लहान मुलं-मुलींसाठी तयार केलेले कपडे, पेटीकोट आदींविषयी चर्चा करून संस्थेचे चेअरमन काका कोयटे,पदाधिकारी,अधिकारी, कर्मचारी यांनी सविस्तर माहिती दिली.

त्यानंतर समता पतसंस्थेचे चेअरमन ओमप्रकाश दादाप्पा तथा काका कोयटे यांच्या हस्ते व्यंकटेश नागरी सहकारी पतसंस्थेच्या पदाधिकाऱ्यांचा सत्कार समता महिला बचत गटाने अगरबत्ती व कापूर एकत्र बांधून तयार करण्यात आलेला गुच्छ देऊन करण्यात आला.

उपस्थित पदाधिकाऱ्यांनी समता पतसंस्था आणि सहकार उद्योग मंदिराविषयी मिळालेल्या माहितीबद्दल समाधान व्यक्त करत संस्थेचे अधिकारी, कर्मचारी यांनी दिलेली अनमोल माहिती आणि बहुमोल वेळ दिल्याबद्दल आभार मानले आणि समताच्या पुढील वाटचालीस शुभेच्छा देत निरोप घेतला.