समता पतसंस्था महाराष्ट्रातील परिपूर्ण संस्था – सौ.लतिका पाटील, अध्यक्षा

समता पतसंस्था महाराष्ट्रातील परिपूर्ण संस्था – सौ.लतिका पाटील, अध्यक्षा

बोर्डी महिला नागरी सहकारी पतसंस्थेचे पदाधिकारी आणि सभासदांसोबत समता महिला बचत गटाच्या अध्यक्षा सौ. सुहासिनी ओमप्रकाश कोयटे.

कोपरगाव : समतातील प्रत्येक विभागाची माहिती घेत असताना समता पतसंस्था ही महाराष्ट्रातील परिपूर्ण पतसंस्था वाटत होती.कारण समतातील अत्याधुनिक तंत्रज्ञानाच्या माध्यमातून चालणारे प्रत्येक विभागातील कामकाज हे कौतुकास्पद आहे. संस्थेचे कर्मचारी सभासदांना देत असलेली प्रामाणिक सेवा प्रशंसनीय असल्याचे गौरवोद्गार बोर्डी महिला नागरी सहकारी पतसंस्थेच्या अध्यक्षा सौ.लतिका पाटील यांनी काढले.

समता नागरी सहकारी पतसंस्थेच्या मुख्य कार्यालयास ०४ जानेवारी रोजी पालघर जिल्ह्यातील डहाणू येथील बोर्डी महिला नागरी सहकारी पतसंस्थेच्या अध्यक्षा सौ.लतिका पाटील,सचिव सौ.रंजना राऊत,संचालक सौ.वसुधा चुरी, सौ.योगिता म्हात्रे, सौ.मंदा पाटील, व्यवस्थापिका सौ.अचला सावे, लेखापाल सौ.मीनल राऊत, सौ.निता सावे,लिपिक सौ.प्रचिती सावे, सौ निकिता चूरी आदींसह ४७ महिला सभासदांनी सदिच्छा भेट दिली.

या वेळी समता नागरी सहकारी पतसंस्थेच्या एच.आर उज्वला बोरावके, समता महिला बचत गटाच्या अध्यक्षा सौ.सुहासिनी कोयटे यांच्याशी समता पतसंस्थेची सुसज्ज, भव्य इमारत, आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग या पतसंस्था चळवळीला दिशादर्शक असणारी अत्याधुनिक बँकिंग प्रणाली आणि समता महिला बचत गटाच्या माध्यमातून तयार करण्यात येणारी अगरबत्ती, घी बत्ती, कापूर, हँडवॉश, उटणे, फुलवाती, समई वाती, अगरबत्ती आणि कापूर यांना एकत्र बांधून तयार करण्यात आलेला गुच्छ, मास्क, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली. एच.आर.उज्वला बोरावके,फंड मॅनेजर श्री.जितेंद्र अमृतकर, ईडीपी मॅनेजर श्री.बाबसाहेब ठोंबरे, कोपरगाव शाखाधिकारी श्री.आप्पा कोल्हे, कर्मचारी आणि समता महिला बचत गटाच्या सौ.छाया अबक, सौ.वंदना चिकटे, कर्मचारी यांनी उत्पादित करत असलेल्या मालाविषयी सविस्तर माहिती दिली.तसेच समता महिला बचत गटाच्या अध्यक्षा सौ.सुहासिनी कोयटे, वनिता महिला मंडळाच्या अध्यक्षा सौ.वंदना चिकटे यांच्या हस्ते उपस्थित महिला पदाधिकाऱ्यांचा सत्कार करण्यात आला.

बोर्डी महिला नागरी सहकारी पतसंस्थेच्या वतीने सौ.स्मिता वर्तक सौ.रंजना राऊत यांनी मनोगत व्यक्त करून समता पतसंस्था आणि सहकार उद्योग मंदिराविषयी मिळालेल्या माहितीबद्दल समाधान व्यक्त करत चेअरमन, संचालक मंडळ, अधिकाऱ्यांचे आभार मानले. समताच्या पुढील वाटचालीस शुभेच्छा देत निरोप घेतला.