समताच्या ठेवी,सुरक्षित कर्ज विविध उच्चांक प्रस्थापित करतातच तसेच समताचे विविध उपक्रमही कौतुकास्पद आहे – डॉ. रविंद्र भोसले,चेअरमन

समताच्या ठेवी,सुरक्षित कर्ज विविध उच्चांक प्रस्थापित करतातच तसेच समताचे विविध उपक्रमही कौतुकास्पद आहे – डॉ. रविंद्र भोसले,चेअरमन

सातारा येथील धन्वंतरी नागरी सहकारी पतसंस्थेच्या पदाधिकाऱ्यांनी समता पतसंस्थेच्या मुख्य कार्यालयास सदिच्छा भेट दिली असता, धन्वंतरी पतसंस्थेचे चेअरमन डॉ.रविंद भोसले यांचा सत्कार करताना समताचे चेअरमन काका कोयटे.समवेत उपस्थित पदाधिकारी व जनरल मॅनेजर श्री सचिन भट्टड.

कोपरगाव : शाळेतील विद्यार्थ्यांना परीक्षेत पास करण्याइतपत शिकवत नाही तर अधिक गुण मिळविण्यासाठी ही शिक्षक अधिक ज्ञान देण्याचा प्रयत्न करतात त्याप्रमाणे समता पतसंस्थेतील योजना,उपक्रम सभासदांसाठी हितकारक आहे.पण त्यापेक्षाही सभासदाला असलेल्या योजना व उपक्रमांचा अधिक लाभ मिळवून देत त्यांच्याशी घानिष्ठ संबंध कसे ठेवावेत हे आज आम्ही समता पतसंस्थेकडून शिकलो आहोत.तसेच समता पतसंस्थेच्या ठेवी व सुरक्षित कर्ज नवनवीन उच्चांक प्रस्थापित करत असून समता महिला बचत गटाच्या माध्यमातून राबविण्यात येत असलेले उपक्रम कौतुकास्पद आहे. असे गौरवोद्गार सातारा जिल्ह्यातील धन्वंतरी नागरी सहकारी पतसंस्थेचे चेअरमन डॉ.रविंद्र नामदेव भोसले यांनी काढले.

समता नागरी सहकारी पतसंस्थेच्या मुख्य कार्यालयास २० जुलै २०२२ रोजी सातारा जिल्ह्यातील धन्वंतरी नागरी सहकारी पतसंस्थेचे चेअरमन डॉ.रविंद्र भोसले,संचालक डॉ.शकिल अत्तार,डॉ.शिरीष भोईटे डॉ.हेमंत शिंदे, सीईओ ॲड.सुर्यकांत देशमुख, श्री.संजय पवार,ऑडिट प्रमुख श्री.मंगेश शेवडे, प्रशासकीय अधिकारी श्री.शाहनवाज मुल्ला, शाखाधिकारी श्री.पराग बोडस, श्री.श्रीहरी डिंगणे, श्री.आनंद मोरे, श्री.संतोष शिंगटे आदी पदाधिकाऱ्यांनी सदिच्छा भेट दिली. प्रसंगी ते बोलत होते.संस्थेचे ज्येष्ठ संचालक श्री.जितूभाई शहा उपस्थित होते.

ते पुढे म्हणाले की, आमचे सर्व संचालक मंडळ वैद्यकीय,वकिली क्षेत्रातील असून आम्हाला सहकारातील ज्ञान आणि कामाचा अनुभव कमी असल्यामुळे महाराष्ट्र राज्य सहकारी पतसंस्था फेडरेशनचे अध्यक्ष व समता नागरी सहकारी पतसंस्थेचे चेअरमन काका कोयटे यांच्या मार्गदर्शनाखाली आम्ही आमची पतसंस्था प्रगतीपथाकडे येणार आहोत.

प्रसंगी समता नागरी सहकारी पतसंस्थेचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज,भव्य इमारत,आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग, समता महिला बचत गटाच्या माध्यमातून तयार करण्यात येणारी अगरबत्ती, घी बत्ती कापूर, हँडवॉश, उटणे, फुलवाती, समई वाती, अगरबत्ती आणि कापूर यांना एकत्र बांधून तयार करण्यात आलेला गुच्छ, मास्क, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली.त्यानंतर संस्थेचे चेअरमन काका कोयटे,जनरल मॅनेजर श्री सचिन भट्टड, एच.आर.श्रीमती उज्वला बोरावके, पदाधिकारी , अधिकारी, कर्मचारी यांनी सविस्तर माहिती दिली.

त्या नंतर समता पतसंस्थेचे चेअरमन ओमप्रकाश दादाप्पा तथा काका कोयटे यांच्या हस्ते धन्वंतरी नागरी सहकारी पतसंस्थेचे चेअरमन श्री.रविंद्र भोसले यांचा सत्कार केला तर इतर उपस्थित  पदाधिकाऱ्यांचा सत्कार जनरल मॅनेजर श्री सचिन भट्टड,ईडीपी विभाग प्रमुख श्री योगेश आसने यांच्या हस्ते करण्यात आला.

समता पतसंस्था आणि सहकार उद्योग मंदिराविषयी मिळालेल्या माहितीबद्दल त्यांनी समाधान व्यक्त करत चेअरमन,संचालक मंडळ, अधिकाऱ्यांचे आभार मानले आणि समताच्या पुढील वाटचालीस शुभेच्छा देत निरोप घेतला.