समता पतसंस्था सहकारातील मंदिर – श्री.दिलीप पारेकर, चेअरमन
कार्यकारी संपादक प्रा.पोपट साळवे
समता पतसंस्था सहकारातील मंदिर – श्री.दिलीप पारेकर, चेअरमन
कोपरगाव : मंदिरात दर्शनासाठी गेल्यानंतर अगरबत्तीचा सुगंध चहूबाजूला दरवळतो.तो सुगंध मनाला आत्मिक शांतता देऊन जातो. त्याचप्रमाणे सहकारातील पतसंस्था चळवळीतील अत्याधुनिक तंत्रज्ञान, विविध योजना, उपक्रमांचा सुगंध अहमदनगर जिल्ह्यातील कोपरगाव येथील समता नागरी सहकारी पतसंस्थेत दरवळत आहे.संस्थेला भेट दिल्यानंतर समतातील अत्याधुनिक तंत्रज्ञान, विविध योजना, उपक्रमांच्या सुगंधामुळे आम्हाला आत्मिक समाधान मिळाले त्यामुळे समता पतसंस्था सहकारातील मंदिर आहे.असे गौरवोद्गार बीड जिल्ह्यातील माजलगाव येथील खोलेश्वर मल्टी.को-ऑप.क्रेडिट सोसायटीचे चेअरमन श्री.दिलीप पारेकर यांनी काढले.
समता नागरी सहकारी पतसंस्थेच्या मुख्य कार्यालयास बीड जिल्ह्यातील माजलगाव येथील खोलेश्वर मल्टी. को-ऑप.क्रेडिट सोसायटीचे चेअरमन श्री.दिलीप पारेकर, परळी येथील राजर्षी शाहू महाराज नागरी सहकारी पतसंस्थेचे चेअरमन श्री.वसंतराव निर्मळ,जालना जिल्ह्यातील मंठा येथील माऊली अर्बन को-ऑप.क्रेडिट सोसा.चे चेअरमन श्री.सतीश निर्वळ, विठ्ठला अर्बन को-ऑप. क्रेडिट सोसा.चे चेअरमन श्री.विठ्ठलराव गिरम आदींनी सदिच्छा भेट दिली.
या वेळी समता नागरी सहकारी पतसंस्थेचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज,भव्य इमारत, आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग ही पतसंस्था चळवळीला दिशादर्शक असणारी अत्याधुनिक बँकिंग प्रणाली आणि समता महिला बचत गटाच्या माध्यमातून तयार करण्यात येणारी अगरबत्ती, घी बत्ती, कापूर, हँडवॉश, उटणे, फुलवाती, समई वाती, अगरबत्ती आणि कापूर यांना एकत्र बांधून तयार करण्यात आलेला गुच्छ, मास्क, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली. कोपरगाव शाखाधिकारी श्री.आप्पा कोल्हे आणि समता महिला बचत गटाच्या महिलांनी सविस्तर माहिती दिली.तसेच समता पतसंस्थेचे चेअरमन काका कोयटे यांच्या हस्ते उपस्थित पदाधिकाऱ्यांचा सत्कार करण्यात आला.
समता पतसंस्था आणि सहकार उद्योग मंदिराविषयी मिळालेल्या माहितीबद्दल त्यांनी समाधान व्यक्त करत चेअरमन, संचालक मंडळ, अधिकाऱ्यांचे आभार मानले आणि समताच्या पुढील वाटचालीस शुभेच्छा देत निरोप घेतला.
