समता पतसंस्थेतील योजना व उपक्रम आम्ही आमच्या संस्थेत गेल्या अनेक वर्षापासून राबवत आहोत – श्री नारायण वाजे, चेअरमन

समता पतसंस्थेतील योजना व उपक्रम आम्ही आमच्या संस्थेत गेल्या अनेक वर्षापासून राबवत आहोत – श्री नारायण वाजे, चेअरमन

कोपरगाव : समता पतसंस्थेतील आधुनिक तंत्रज्ञानाच्या सहाय्याने ग्राहकांना दिल्या जाणाऱ्या सुविधा, योजना व उपक्रम सभासद हिताचे असून आम्ही आमच्या संस्थेतही समतातील योजना व उपक्रम गेल्या अनेक वर्षापासून राबवत आहोत. समतातील योजना आणि उपक्रमामुळे संस्थेचा सभासद हा संस्थेशी अधिक घनिष्ठ संबंध प्रस्थापित करत आहे. असे मत नाशिक जिल्हा सहकारी पतसंस्था फेडरेशनचे अध्यक्ष व श्रीमंत थोरले बाजीराव पेशवे नागरी सहकारी पतसंस्थेचे चेअरमन श्री नारायण वाजे यांनी व्यक्त केले.

समता नागरी सहकारी पतसंस्थेच्या मुख्य कार्यालयास नाशिक जिल्हा सहकारी पतसंस्था फेडरेशनचे अध्यक्ष व सिन्नर तालुक्यातील डुबेरे येथील श्रीमंत थोरले बाजीराव पेशवे नागरी सहकारी पतसंस्थेचे चेअरमन श्री नारायण वाजे, व्हा.चेअरमन श्री अरुणशेठ वारुंगसे, कार्यकारी संचालक श्री महेश कुठे यांनी ०२ ऑगस्ट २०२२ रोजी सदिच्छा भेट दिली.

प्रसंगी समता नागरी सहकारी पतसंस्थेचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज,भव्य इमारत,आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम,समता रिकव्हरी पॅटर्न, सोनेतारण विभाग,समता महिला बचत गटाच्या माध्यमातून तयार करण्यात येणारी अगरबत्ती, घी बत्ती, कापूर, हँडवॉश, उटणे, फुलवाती, समई वाती,अगरबत्ती आणि कापूर यांना एकत्र बांधून तयार करण्यात आलेला गुच्छ,मास्क,पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली. त्यानंतर संस्थेचे मुख्य कार्यालयाचे शेअर्स विभाग प्रमुख श्री दत्तात्रय आव्हाड,सोनेतारण विभाग प्रमुख श्री भाऊसाहेब धाकतोडे, कोपरगाव शाखेचे कर्मचारी श्री हर्षल जाधव, अगरबत्ती व कापूर उत्पादन विभागाचे श्री विश्वास सावरगावकर यांनी सविस्तर माहिती दिली.

त्यानंतर समता पतसंस्थेचे चेअरमन ओमप्रकाश दादाप्पा तथा काका कोयटे यांच्या हस्ते चेअरमन श्री.नारायण वाजे, व्हा.चेअरमन श्री. अरुणशेठ वारुंगसे,कार्यकारी संचालक श्री.महेश कुटे यांचा सत्कार करण्यात आला.

समता पतसंस्था आणि सहकार उद्योग मंदिराविषयी मिळालेल्या माहितीबद्दल त्यांनी समाधान व्यक्त करत चेअरमन,संचालक मंडळ, अधिकाऱ्यांचे आभार मानले आणि समताच्या पुढील वाटचालीस शुभेच्छा देत निरोप घेतला.