समता पतसंस्थेच्या मुख्य कार्यालयास या पतसंस्थांच्या पदाधिकाऱ्यांची सदिच्छा भेट

समता पतसंस्थेच्या मुख्य कार्यालयास या पतसंस्थांच्या पदाधिकाऱ्यांची सदिच्छा भेट

मनमाड येथील अमृत नागरी सहकारी पतसंस्थेचे चेअरमन श्री. अजित सुराणा आणि इतर पदाधिकाऱ्यांचा सत्कार करताना संस्थेचे चेअरमन श्री. काका कोयटे, जनरल मॅनेजर श्री.सचिन भट्टड.आटपाडी तालुक्यातील चौंडेश्वरी ग्रामीण बिगर शेती सहकारी पतसंस्थेचे चेअरमन श्री.राजेंद्र दौंडे यांचा सत्कार करताना शाखाधिकारी श्री.आप्पा कोल्हे, समवेत एच.आर. उज्वला बोरावके आणि इतर पदाधिकारी.

कोपरगाव : समता नागरी सहकारी पतसंस्थेच्या मुख्य कार्यालयास सांगली जिल्ह्यातील,तालुका आटपाडी येथील चौंडेश्वरी ग्रामीण बिगर शेती सहकारी पतसंस्थेचे चेअरमन श्री.राजेंद्र दौंडे, व्हा.चेअरमन श्री.राहुल सपाटे, सचिव श्री. बालक डोईफोडे यांनी ६ ऑक्टोबर २०२२ रोजी आणि मनमाड येथील अमृत नागरी सहकारी पतसंस्थेचे चेअरमन श्री.अजित सुराणा, सी.ए. महावीर पारख, मनमाड येथील प्रसिद्ध व्यापारी श्री. पारसमल परडिया यांनी १ ऑक्टोबर २०२२ रोजी सदिच्छा भेट दिली.

प्रसंगी समता नागरी सहकारी पतसंस्थेचे चेअरमन ओमप्रकाश दादाप्पा तथा काका कोयटे यांच्याशी समता पतसंस्थेची सुसज्ज,भव्य इमारत,आधुनिक तंत्रज्ञानाच्या माध्यमातून मोबाईल बँकिंग, व्हाऊचरलेस बँकिंग सुविधा, क्यु.आर.कोड, फॉरेन्सिक ऑडीट कंट्रोल रूम, समता रिकव्हरी पॅटर्न, सोनेतारण विभाग, समता महिला बचत गटाच्या माध्यमातून तयार करण्यात येणारी अगरबत्ती, घी बत्ती, कापूर, हँडवॉश, उटणे, फुलवाती, समई वाती, अगरबत्ती आणि कापूर यांना एकत्र बांधून तयार करण्यात आलेला गुच्छ, मास्क, पेटीकोट आणि समताज सहकार मिनी मॉल मधील विक्रीसाठी उपलब्ध वस्तूंविषयी चर्चा केली. त्यानंतर संस्थेचे चेअरमन काका कोयटे, जनरल मॅनेजर श्री. सचिन भट्टड, एच.आर उज्वला बोरावके, विभागीय अधिकारी श्री.सोपान पठारे, शाखाधिकारी श्री.आप्पा कोल्हे आणि समता महिला बचत गटाच्या महिलांनी सविस्तर माहिती दिली.

त्यानंतर समता पतसंस्थेचे चेअरमन काका कोयटे आणि जनरल मॅनेजर श्री.सचिन भट्टड यांच्या हस्ते अमृत नागरी सहकारी पतसंस्थेच्या पदाधिकाऱ्यांचा आणि एच.आर. उज्वला बोरावके आणि शाखाधिकारी श्री.आप्पा कोल्हे यांच्या हस्ते सांगली जिल्ह्यातील चौंडेश्वरी ग्रामीण बिगर शेती सहकारी पतसंस्थेच्या पदाधिकाऱ्यांचा सत्कार करण्यात आला.

समता पतसंस्था आणि सहकार उद्योग मंदिराविषयी मिळालेल्या माहितीबद्दल त्यांनी समाधान व्यक्त करत चेअरमन, संचालक मंडळ, अधिकाऱ्यांचे आभार मानले आणि समताच्या पुढील वाटचालीस शुभेच्छा देत निरोप घेतला.